Қызылорда облысында «Батыс Еуропа – Батыс Қытай» автомагистралі бойындағы жол бойы қызмет көрсету нысандары белсенді дамуда

Қазіргі таңда Қызылорда облысының бөлігінде нысандардың құрылысына арналған 44 нүкте белгіленді. 2020 жылғы 14 ақпандағы жағдай бойынша 29 нысан пайдалануға берілді, оның 15-і ғаламтор желісіне қосылған, POS-терминалдармен төлеу мүмкіндігі бар. 700-ден астам жұмыс орны құрылды. Қолданыстағы 29 нысанның 19-ы «Google maps» және «Yandex карта» жүйесіне енгізілді.

2019 жылдың қаңтар-қыркүйек айларының қорытындысы бойынша аймаққа келген туристер саны 2018 жылдың сәйкес кезеңімен салыстырғанда 27,4%-ға артып, 54 601 адамды құрады.

Облыста шамамен бір жарым мың нөмірлік 107 орналастыру орны бар.

Республикалық туристік картаға Қызылорда облысынан 3 туристік нысан енді: «Қамыстыбас» демалыс аймағы, «Жаңақорған» шипажайы, «Байқоңыр» ойын-сауық туристік аймағы. Бұл ретте, «Байқоңыр» ойын-сауық туристік аймағын құру туристік картаның ТОП-10 нысанына енгізілген.