Осыдан біраз уақыт бұрын Павлодар география үйі өзінің филиалы негізінде Екібастұз қаласында «Восьмая миля» спорттық велотуризм орталығын ашты. Ол Екібастұзда тұратын география үйінің белсендісі, велосипед саяхаттаушысы Анатолий Филиппович Пырликтің бастамасымен, ұмтылысымен, күшімен және үздіксіз жұмысының арқасында пайда болды.
Орталықтың міндеті – Павлодарлың Ертіс өңірінің жазықтарында саяхаттауды қалайтындарға көмек көрсету, және тек велосипедпен емес. Мұнда балалар мен ересектерге сауатты жүру, дұрыс отыру, велосипедті жақсы ұстау, оны жөндеуді үйретеді.
Бұл тек велоспорт клубы ғана емес, велосипед туризмі клубы болғандықтан, «Восьмая миля» білікті, тәжірибелі нұсқаушылары орталықта туристік картамен жұмыс істеу, жорықтарды, экспедицияларды жоспарлау, тамақтану көлемі мен құрамын есептеу негіздерімен таныстырады.
Жақында «Восьмая миля» «Қайнар» білім беру кешенінің «Заря» балалар шығармашылығы клубында орналасқан үй-жайға кіріп, жаңа кеңсеге ие болды. Онда 2020 жылдың соңына және 2021 жылға арналған іс-шаралар жоспарын жасады. Екібастұз және Павлодар облысында салауатты өмір салтының жақсы дәстүрлерін сақтап және дамыта отырып, география үйі жанындағы спорттық велотуризм Орталығы өз жұмысының маңызды бағыты ретінде велосипедті ғана емес, жаяу жүргінші, шаңғы және таулы Туризмнің белсенді түрлерін дамытуды қарастырады.
Антон Сергеев
Суреттер Анатолий Пырлик және «Павлодар география үйі» ҚБ Екібастұз қалалық филиалының «Восьмая миля» спорттық велотуризм орталығының мұрағатынан
